Incisa da IL GIARDINO DEI SEMPLICI su dischi FONIT CETRA PL 797
LU CARDILLO
Canto popolare napoletano dell’800
Musica rielaborata da
G. CALIENDO
Sto crescenno no bello cardillo
quanta cose che l’aggia ‘mparà!
Adda ire da chisto e da chillo
lli mmasciate po’ m’adda purtà.
Siente ccà, bello mio, lloco nnante
‘nc’è na casa, na nenna, nce sta
tu la vide ca non è distante
chella nenna aje da ire a truvà!
Si la truove ca stace dormenno
pe na fata, gué, nun la piglià!
No rommore non fa co li penne
gué, cardì, tu l’avisse scetà?
Si affacciata po’ sta a lo barcone
pe na rosa l’avisse piglià?
Gué, cardì, vi ca llà nun te stuone
va vattenne, cardì…n’addurà!
Si la truove che face l’ammore
sto cortiello annascunnete ccà,
‘nficcancillo deritto a lo core
e lo sango tu m’aie da purtà!
Ma si pensa: vatté chiano, chiano
zitto, zitto te nce aje d’azzeccà
si afferrare te vo co la mano
priesto mpietto tu l’aje da zompà.
© 1993 MASAR Edizioni Musicali – Via Sezze 28 – 04100 Latina - ITALY